ამერიკის საელჩოს მხარდაჭერა ქართველი მეღვინე ქალებისთვის
16/03/20242024 წლის 15 მარტს, ამერიკის საელჩოში განსაკუთრებული ღონისძიება გაიმართა. ელჩის ინიციატივით, ასოციაცია „ქალები ღვინის ინდუსტრიაში“ წევრების მიერ წარმოებული ღვინის დეგუსტაცია მოეწყო.
ღონისძიებაზე საპატიო სტუმრების სტატუსით იმყოფებოდნენ ამერიკის ელჩი საქართველოში, ქალბატონი კელი დეგნანი და საელჩოს სხვა წარმომადგენლები.
ქართველმა მეღვინე ქალებმა სტუმრებს თავიანთი საუკეთესო პროდუქცია გააცნეს. დეგუსტაციის ფარგლებში, საელჩოს წარმომადგენლებს შესაძლებლობა ჰქონდათ, პირადად გაცნობოდნენ თითოეული მეღვინის ისტორიას და დაეგემოვნებინათ უნიკალური ქართული ღვინო.
ამერიკის საელჩოს მხრიდან ამგვარი მხარდაჭერა მნიშვნელოვანია ქართველი მეღვინე ქალების საქმიანობის პოპულარიზაციისა და ქართული ღვინის საერთაშორისო ასპარეზზე წარმოჩენისთვის.
ღონისძიება კიდევ ერთხელ ადასტურებს ამერიკის შეერთებული შტატებისა და საქართველოს მჭიდრო თანამშრომლობას კულტურისა და ეკონომიკის სფეროებში.
