"ქალები ღვინის ინდუსტრიაში" დამფუძნებლები სტუმრად გადაცემაში „ყველაფერი ღვინოზე ანა გოდაბრელიძესთან ერთად“
15/10/2023ასოციაცია "ქალები ღვინის ინდუსტრიაში" დამფუძნებლები მანანა ახვლედიანი და მაიკო კაციტაძე სტუმრობდნენ გადაცემას „ყველაფერი ღვინოზე ანა გოდაბრელიძესთან ერთად“.
გადაცემაში მათ ისაუბრეს ასოციაციის მიზნებსა და სამომავლო გეგმებზე, ქალების როლზე ღვინის ინდუსტრიაში, არსებულ გამოწვევებსა და შესაძლებლობებზე.
მანანა ახვლედიანმა და მაიკო კაციტაძემ ხაზი გაუსვეს ასოციაციის მნიშვნელობას ქალების გაძლიერებაში ღვინის ინდუსტრიაში, მათ პროფესიულ განვითარებასა და თანაბარი შესაძლებლობების შექმნაში.
"ჩვენი მიზანია, გავაერთიანოთ ქალები ღვინის ინდუსტრიიდან, ხელი შევუწყოთ მათ პროფესიულ ზრდას და გავზარდოთ მათი ხილვადობა ინდუსტრიაში", - განაცხადა მანანა ახვლედიანმა.
მაიკო კაციტაძემ აღნიშნა, რომ ასოციაცია აქტიურად მუშაობს განათლებისა და ტრენინგების პროგრამების განხორციელებაზე, ასევე ქსელის შექმნაზე, რაც ქალებს დაეხმარებათ ერთმანეთის მხარდაჭერასა და გამოცდილების გაზიარებაში.
გადაცემის ფარგლებში ასევე ისაუბრეს ქართული ღვინის პოპულარიზაციაზე საერთაშორისო ბაზარზე და ქალების როლზე ამ პროცესში.
