მარინა კურტანიძე

მარინას ღვინო

მარინას აგროტურისტული მეურნეობა მდებარეობს ქართლში, მცხეთის რაიონის სოფელ ჩარდახში.

მარანში ღვინის წარმოება და ჩამოსხმა დაიწყო 2003 წლიდან. ვენახები ოჯახის საკუთრებაა და მუშავდება ბიო მეთოდებით, მუხრანის ველზე (2,5 ჰექტარი) და 0,5 ჰექტარი სოფელ მანავში.

ოჯახი აწარმოებს ჩინურის ჯიშის ყურძნისგან ტრადიციული მეთოდით ქვევრში ნატურალურ ღვინოს, ჭაჭას და ხელნაკეთ ლუდს.

2012 წლიდან კი იწყება მანავის ზონიდან „მარინას“ სახელით ღვინის წარმოება, მწვანეს ჯიშისგან ქვევრში ტრადიციული მეთოდით, რასაც 2014 წლიდან ემატება პეტნატის წარმოება.

დღეისათვის ოჯახი წელიწადში აწარმოებს დაახლოებით 10000 ბოთლ ღვინოს.

2006 წლიდან ღვინო გადის ექსპორტზე: იტალიაში, საფრანგეთში, ინგლისში, ჰოლანდიაში, დანიაში, შვედეთში, ესპანეთში, პორტუგალიაში, იაპონიაში, ავსტრალიაში, კორეაში, ჩინეთში და ამერიკაში.

მაისში მეურნეობის ტერიტორიაზე ეწყობა ღვინის ფესტივალი „შერკილები“.