ღვინის ფესტივალი კრაკოვში

7 ივლისს, ქალაქ კრაკოვში ღვინის ფესტივალი გაიმართა, სადაც 30-მდე ქართული მარანი, მათ შორის WIWI • Women In Wine Industry-ის წევრები Ia's Winery - იას მეღვინეობა, KateWine Kardanakhi Cellar კარდანახის მარანი, Sopho's Family Winery, ორთა • Orta ადგილობრივ ღვინის ექსპერტებსა და ღვინის ენთუზიასტებს საკუთარი ღვინით უმასპინძლდებოდნენ ფესტივალზე ქართულ მარნებთან ერთად, წარმოდგენილი იყო 10-მდე პოლონური, ჩეხური და მოლდოვური მეღვინეობები. ფესტივალის სულისჩამდგმელი გახლდათ - ქეთო ფრანგულაშვილი, რომელიც უკვე 10 წელზე მეტია პოლონეთში ცხოვრობს და ქართული ღვინის ბრენდ-ამბასადორია. ქეთომ 2018 წელს სადისტრიბუციო კომპანია და ქართული ღვინის ბარი გახსნა, რომელიც მალევე ადგილობრივებისთვის საყვარელ ადგილად იქცა და პანდემიაც ლოიალური მომხმარებლების გვერდში დგომით გადაიტანა.