2024 წლის 23-26 მაისს ლონდონში, დიდი ბრიტანეთის სამეფოში საქართველოს საელჩოს, გერმანიის საერთაშორისო თანამშრომლობის საზოგადოების (GIZ) და ღვინის ეროვნული სააგენტოს მხარდაჭერით, 20 ქართველმა მეღვინე ქალმა საკუთარი ღვინოები წარმატებით წარმოადგინა.
ღონისძიება მოიცავდა დეგუსტაციებსა და პრეზენტაციებს ქართული ღვინის ბარებში, ასევე მიღებას, რომელიც საქართველოს დამოუკიდებლობის დღეს, 26 მაისს, ვინტერ ჰოლში გაიმართა.
ეს იყო "WiWi" - ქალები ღვინის ინდუსტრიაში - ორგანიზაციის ინიციატივა, რომელიც მიზნად ისახავდა ქართულ ღვინის ინდუსტრიაში ქალების როლისა და წვლილის წარმოჩენას.
ქართველი მეღვინე ქალების ეს ტური უკვე წარმატებით ჩატარდა პოლონეთსა და იაპონიაში.
