სემინარი - ბრენდის ისტორია და დამზადების ტექნოლოგია

2023 წლის 1 თებერვალს, ასოციაცია WIWI-ს წევრები, საგანმანათლებლო ტურის ფარგლებში, კომპანია „სარაჯიშვილს“ ესტუმრნენ.

სტუმრებს, კომპანიის მთავარმა ტექნოლოგმა დავით აბზიანიძემ და ტექნოლოგიური დეპარტამენტის უფროსმა მაიკო კაციტაძემ უმასპინძლეს.

კომპანიაში სემინარი „ბრენდის ისტორია და დამზადების ტექნოლოგია“ გაიმართა, რომელსაც დავით აბზიანიძე უძღვებოდა.

მეღვინე ქალბატონებმა დაათვალიერეს საწარმოს ისტორიული სივრცეები და საცავები. შეხვედრის ბოლოს კი „სარაჯიშვილის“ პროდუქციის დეგუსტაცია მოეწყო.