ღვინისა და ალკოჰოლური სასმელების გამოფენა WinExpo 2025
09/06/20256-დან 8 ივნისის ჩათვლით ExpoGeorgia-ს საგამოფენო ცენტრში ღვინისა და ალკოჰოლური სასმელების რიგით მე-17 საერთაშორისო გამოფენა Winexpo გაიმართა.
ღონისძიებაში მონაწილეობდა ასოციაცია „ქალები ღვინის ინდუსტრიაში“. სადაც ასოციაციის წევრებმა საკუთარი ღვინოები წარმოადგინეს და ფესტივალის სტუმრებისა თუ პროფესიონალების მხრიდან დიდი მოწონება დაიმსახურეს. ეს მონაწილეობა კიდევ ერთხელ უსვამს ხაზს ქართველი ქალების მზარდ წვლილს ღვინის სექტორში და მათ პროფესიონალიზმს, რაც სულ უფრო მეტად განაპირობებს ინდუსტრიის მრავალფეროვნებასა და ხარისხს.
გარდა წარმატებული წარდგენისა, ასოციაციის წევრებმა მონაწილეობა მიიღეს ღონისძიების ფარგლებში გამართულ ღვინის საერთაშორისო კონკურსშიც და სხვადასხვა მედლებით დაჯილდოვდნენ.
ეს აღიარება ხაზს უსვამს მათი ღვინოების მაღალ ხარისხსა და კონკურენტუნარიანობას საერთაშორისო ასპარეზზე.
„ქალები ღვინის ინდუსტრიაში“ ასოციაცია დიდ მადლობას უხდის გაეროს სურსათისა და სოფლის მეურნეობის ორგანიზაციას (FAO) და Winexpo-ს გუნდს გაწეული დახმარებისა და მხარდაჭერისათვის, რამაც მნიშვნელოვნად შეუწყო ხელი ასოციაციის წევრების წარმატებულ მონაწილეობასა და წარმოჩენას ამ მასშტაბურ ღონისძიებაზე.
