მეღვინე-მეწარმე ქალთა შესაძლებლობების გაძლიერება გამოცდილებითი ტურისტული პროდუქტების განვითარებაში
06/06/20242024 წლის 4-5 ივნისს, ასოციაციის „ქალები ღვინის ინდუსტრიაში” ორგანიზებით, სასტუმრო „თბილისი მარიოტში“ ორდღიანი ტრენინგი გაიმართა თემაზე „მეღვინე-მეწარმე ქალთა შესაძლებლობების გაძლიერება გამოცდილებითი ტურისტული პროდუქტების განვითარებაში“, რომელსაც 40-ზე მეტი მეღვინე ქალი დაესწრო.
ტრენინგს უძღვებოდა ლელა ხარტიშვილი.
ტრენინგის მონაწილეებს, მდგრადი ტურიზმის ექსპერტმა შესაბამისი ცოდნა და ინფორმაცია მიაწოდა ღვინის ახალი ტურისტული პროდუქტების შექმნის და ბაზარზე მათი პოციზიონირების, სერვისების გაუმჯობესების, ერთობლივი ტურისტული მარშრუტების შედგენის, თანამშრომლობისა და მართვის ფორმების გაუმჯობესების შესახებ. თეორიული ცოდნის გაზიარების პარალელურად, ტრენინგზე მნიშვნელოვანი დრო დაეთმო პრაქტიკულ სავარჯიშოებსაც.
ტრენინგი პროექტის „პროფესიული განათლება საქართველოს ეკონომიკის მზარდ სექტორებში” მხარდაჭერით გაიმართა, რომელიც გერმანიის ეკონომიკური თანამშრომლობისა და განვითარების ფედერალური სამინისტროს (BMZ) დაფინანსებით მიმდინარეობს და მას გერმანიის საერთაშორისო თანამშრომლობის საზოგადოება (GIZ) ახორციელებს.
