ასოციაცია „ქალები ღვინის ინდუსტრიაში“ გერმანიის მთავრობის პროექტის ბენეფიციარი გახდა

2024 წლის 29 იანვარს, გერმანიის მთავრობის მიერ დაფინანსებული ახალი პროექტის „GCCI მცირე და საშუალო ბიზნესის გაციფრულებისთვის" პრეზენტაცია გაიმართა, სადაც ასოციაცია „ქალები ღვინის ინდუსტრიაში“ როგორც პროექტის ერთ-ერთ ბენეფიციარი, იყო მიწვეული.

საქართველოს სავაჭრო-სამრეწველო პალატამ, გერმანიის მთავრობის დაფინანსებით, საქართველოს მასშტაბით მცირე და საშუალო ბიზნესის გაციფრულების ახალი პროექტი წამოიწყო. პროექტის ფარგლებში, საქართველოს მასშტაბით 50 ბიზნესკომპანია შეირჩა. პირველ ეტაპზე კომპანიების საჭიროებები შეისწავლეს და ამის საფუძველზე სპეციალიზებული სასწავლო პროგრამა შეიმუშავეს.

აღსანიშნავია, რომ პროექტში მონაწილეობა ნებისმიერ ბიზნესს შეეძლო, რომელიც თბილისის გარეთ, რეგიონებში ფუნქციონირებს. პროექტის მიზანი საქართველოს მასშტაბით 50 შერჩეული კომპანიის სრული გაციფრულება იყო.

ასოციაცია „ქალები ღვინის ინდუსტრიაში“ ერთ-ერთი გამარჯვებული გახდა და გრანტი მიიღო. გრანტი ასოციაციის წევრი ქალების საქმიანობის გაციფრულებას მოხმარდება. ეს პროექტი მნიშვნელოვანი წინგადადგმული ნაბიჯია ქართული ღვინის ინდუსტრიაში მომუშავე ქალებისთვის, რაც მათ ციფრულ სამყაროში საქმიანობის უფრო ეფექტურად წარმართვის საშუალებას მისცემს.